رامي عاشور يطرح «هنضحك برضو» (فيديو)

طرح الفنان رامي عاشور أحدث أعماله الغنائية بعنوان "هنضحك برضو"، وذلك عبر موقع الفيديوهات "يوتيوب".

و«هنضحك برضو» من كلمات حسام سعيد وألحان وتوزيع موسيقي إسلام رفعت.

كلمات أغنية "هنضحك برضو":

هي الدنيا .. ليه مِلَطَشة

فين الفرحة .. والفرفشة

فيه حاجات ياما .. جاية عليا

الأيام دي .. صعبه شوية

حظي معاكس .. ليه مش ماش

كله بقى اسود .. فين الفوشيا

بس ده كله .. عادي انا قَدُه

ومهما حصلي .. هضحك برضو

هضحك بردو..

لسه مفركش .. الأيام دي

سابتني حبيبتي .. وأغلى ما عندي

كنت عليها .. باني حياتي

كنت عايزها .. تبقى مراتي

عمري عليها .. أنا ضيعته

وقلبي آديني .. بإيدي وجعته

أحلام ياما .. فوقي إتهدو

بس يا دنيا .. هضحك برضو

هضحك بردو..

أعز صحابي .. ضربني ف ضهري

وكنت انا فاكرُه .. صاحب عمري

باع عشرتنا .. بسعر قُليّل

فاكره انا راجل .. وطلع عَيّل

طب ده انا ياما .. عملت عشانُه

ليه بسهولة .. كل ده خانُه

صحاب مضروبة .. من جوه يخُضو

ورغم ده كله .. هضحك برضو

هضحك بردو..

يومي متلغبط .. كله مشاكل

يجي ١٠٠ علقة .. أنا متاكل

حتى ف شغلي .. وضعي مأزِم

لا فلوس لاقي .. ولا بَتقدِم

ف كل حياتي .. دي أصعب فترة

نازله همومها .. زي المَطره

وبقول دايماً .. يومين و يعَدّو

ومهما يطوّلو .. هضحك برضو

هضحك بردو..

وطرح رامي عاشور مؤخرًا أغنية عيش بزيادة عبر موقع الفيديوهات "يوتيوب".

وعيش بزيادة من كلمات رامى عاشور وياسمين الهيوي وألحان رامى عاشور، وتوزيع موسيقى MAZ،  وشارك فى التصوير كضيوف شرف منهم المهندس سميح ساويرس، وعمرو منسى، ونور الشربينى، وعلى فرج، وآخرين.