طلبت الفنانة عبير صبري من المنتجين والمخرجين بتوفير أدوار في أعمال فنية لـ كبار الفنانين لمساعدتهم على المعايشة وفتح بيوتهم.

كتبت عبير صبري منشور على حسابها الشخصي بموقع التواصل الاجتماعى "الفيسبوك"، قائلة:«أنا بقالي شهور مش بدخل علي الفيس بوك مجرد صور وخلاص بتتشير اتوماتيك من الانستجرام بس حبيت اقول كلمتين ورجاء لكل شخص مسؤول في مهنه الفن من اساتذتنا منتجين ومخرجين ارجوكم في منتجين فنيين كبار كان ليهم شغلهم من كام سنه وتوقفوا غصب عنهم  وفنانين كبار وشباب طموح عاوز يبدا في التمثيل كل دول قعدين في بيوتهم وبيكلمونا نساعدهم   يلاقوا فرصه ييفتحوا بيوتهم ويصرفوا علي اولادهم». 

وتابعت:«ارجوكم لوسمحتم ساعدوا الناس حرام خلوا الناس تشتغل افتحوا ابوابكم لاسامي تانيه وسعوا الدايره شويه عشان ربنا عشان الدنيا تمشي  الدنيا بقت صعبه علي الجميع ربنا يكفي الجميع شر القهر والعوز والاحباط..كل راعي مسؤول عن رعيته واللي في ايده منصب ولا شركه ولا غيره يساعد الناس ده واجبه تجاه مهنته وتجاه اهل المهنه الكرام ..شكرا لكم».

في سياق آخر تشارك الفنانة عبير صبري في السباق الرمضاني المقبل 2023م من خلال مسلسل«جميلة» ويشاركها في البطولة سوسن بدر، ريهام حجاج، أحمد وفيق، هشام إسماعيل، من تأليف أيمن سلامة، إخراج سامح عبد العزيز. 

والجدير بالذكر أن آخر أعمال عبير صبرى مسلسل «يوتيرن» في شهر رمضان الماضى، من بطولة ريهام حجاج، توفيق عبد الحميد، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.