( ١ )
أنا رهن إشارة مصر
أنا جندى وقلمى سلاح
يعرف أسباب النصر
يرسم خطط الإصلاح
يكشف أفكارا ومواهب
تهزم عقبات ومصاعب
تصنع بطولات ومكاسب
تكبر مع كل صباح
وأنا رهن إشارة مصر
أنا جندى وقلمى سلاح
------------------------
( ٢ )
أنا رهن إشارة النيل
حارس كل الأمجاد
يحميها جيل ورا جيل
يجمع كل الأعياد
وهنزرع في البساتين
القمح وبعده التين
ونعيش هنا متعاهدين
على علم ونور وحصاد
وأنا رهن إشارة النيل
حارس كل الأمجاد
------------------------
( ٣ )
أنا رهن إشارة الوادى
والدلتا وسينا القلب
أنا وارث عن أجدادى
المجد وعهد الحب
وحضارة فكر أصيل
نحفظها نهار مع ليل
في العشق العمر طويل
ساكن في عروق الشعب
وأنا رهن إشارة الوادى
والدلتا وسينا القلب
-------------------------
( ٤ )
أنا رهن إشارة المصنع
والمتحف والبستان
والجامعة تنادى وتجمع
أبحاث من كل زمان
ومدارس فيها شباب
عاشقين كراس وكتاب
ولغات وفنون وحساب
تحفظ أمل الأوطان
وأنا رهن إشارة المصنع
والمتحف والبستان
-------------------------
( ٥ )
أنا رهن إشارة البحر
وصحارى شرق وغرب
أنا شاعر كلمتى سحر
أنا مدفع وقت الحرب
أنا نسر بألف جناح
وحياتى جهاد وكفاح
صامد مع كل رياح
صاعد فى طريق الصعب
وأنا شاعر كلمتى سحر
أنا مدفع وقت الحرب
---------------------------
( ٦ )
أنا رهن إشارة الفكرة
تمنع كل الأخطار
تصنع خطاوينا لبكرة
وتقول شعبنا أحرار
ويا بنت النيل يا جميلة
طول عمر ولادك عيلة
والوحدة حكاية أصيلة
تبهر كل الأنظار
وأنا رهن إشارة الفكرة
تمنع كل الأخطار
-------------------------
( ٧ )
أنا رهن إشارة النور
يحفظ لى كنوزى بجد
واصل من أزهى عصور
بالصدق وعمل اليد
أنا مصرى وعمرى ما أخاف
أنا واحد فى الأوصاف
في البندر والأرياف
أنا حصن وأعظم سد
وأنا رهن إشارة النور
يحفظ لي كنوزى بجد
--------------------------
( ٨ )
أنا رهن إشارة البيت
وأنا بيتى شمال وجنوب
وفي شرق وغرب لقيت
الشمس مقاطعة غروب
توهب للدنيا أمانا
وتقول مصر العنوان
للعلم وللإيمان
والنصر أكيد مكتوب
وأنا رهن إشارة البيت
أنا بيتى شمال وجنوب
-------------------------