تحولت صفحات الفيس بوك لمنبر ينادي على فتاة واحدة لتحذيرها من خداع خطيبها.
تعالت صيحات الشباب والفتيات والصفحات على الفيس بوك لنقل رسالة السيدة "التي اكتشفت الخاطب الندل من خلال سماعها لمحادثته الهاتفية في إحدى وسائل النقل، فمنهم من تناول القصة علي مجموعات عامة أو صفحات شخصية ومنهم من شارك المنشور.
و جاء نص الرسالة كالتالي "إلى آية القاطنة بمدينة العاشر من رمضان وخطيبك من طنطا وبيشتغل في العاشر وبكره هيروح معاكي فرح بنت خالتك.
خطيبك قاعد دلوقتي ورايا في الميكروباص في طريقه للعاشر وبيتفق عليكي مع واحدة اسمها ريهام عشان يسيبك ويخطبها بس بيشوفوا طريقة عشان ترجعيله الشبكة وغالبًا هيقولك إن عنده أزمة مادية وعايز ياخد منك كمان 15000 جنيه فلوس الجمعية اللي هتقبضيها أول الشهر.
#إنتي_فين_يا_آية_نايمة_على_ودانك
#اتغدي_بيه_قبل_ما_يتعشى_بيكي
#هاتولنا_آية
جعلت تلك الرسالة نشطاء ورواد الفيس بوك يتفاعل معها حتى وصل المنشور إلى ما يقارب المليون شخص في أقل من 6 ساعات حتى تتمكن بطلة القصة من اكتشاف الخديعة التي تعيش فيها.