نعت الفنانة زينة صديقتها منذ الطفولة المتوفاة برسالة مؤثرة نشرتها عبر حسابها بموقع الصور الشهير "إنستجرام".

وقالت زينة: "لما تلاقي أصحاب عمرك واللي كونوا ذكرياتك وطفولتك وشخصيتك حتى لو مش بتشوفهم من سنين والدنيا لهت الواحد وشغلته بكل ما فيها حتى لو بنسمع أخبارهم من بعيد وتبتسم ابتسامة حلوة كل ما ييجي اسمهم، ذكريات الواحد ما تتعوضش ولا أصحابه اللي دخلوا بيتوا واتربوا معاه وعارفينه على حقيقته".

وأضافت: "الوحدة وأنت حواليك ناس كتير وزحمة دول ناس مش حقيقيين دول بلاستيك أول مرة أسمع إن حد من أصحاب المدرسة والطفولة ماتت، إحساس فظيع ومؤلم أوي يا ريتني ما عرفت".

وتابعت قائلة: "مش عارفة أبقى كويسة بقالي كتير، يا رب صبر أهلها واحفظ أطفالها واغفرلها وارحمها، واعف عنها، ويا رب ريح قلبي وخليني أنسي صورتها.. تعبانة".