واجه فيلم تاج للفنان تامر حسني العديد من الأزمات في مرحلة التحضيرات بدأت بانسحاب الفنانة هنا الزاهد ومي عمر، وانتهت باتهامات بالسرقة.

اعتذرت الفنانة هنا الزاهد: «الأخبار اللي بتنزل على اعتذاري عن فيلم تامر حسني الجديد غير صحيحة للأسف، أنا متعرض عليّ الفيلم من الأساس، وكنت محظوظة إني اشتغلت في فيلم بحبك اللي حدت عليه لحد دلوقتي جائزتين».

 
وبعد ما حدث مع الفنانة هنا الزاهد انتشر اعتذار الفنانة مي عمر من الفيلم بسبب تغيرات المواعيد الذي تعارض مع تصوير عملها الفني مع الفنان محمد رمضان وزوجها محمد سامي حيث علقت الفنانة على انسحابها قائلة: «للأسف حصل تغيرات في مواعيد التصوير واتفقنا أنا وتامر حسني إننا إن شاء الله نتقابل في عمل آخر قريبًا، وكل تمنياتي لـ تامر ولـ أسرة الفيلم بالنجاح والتوفيق».

سارع تامر حسني بالرد على مي عمر قائلا: «هنتقابل في أحلى عمل إن شاء الله يا ميوش وربنا يوفقك في كل شغلك وتكسري الدنيا كالعادة» .

ولم تنته أزمات الفيلم عند هذا الحد بعد أن نشر الفنان أحمد تهامي ان فكرة الفيلم هي فكرته منذ عشر سنوات حيث نشر علي صفحته قائلا: «أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي و المدي اللي يليق بمجهودي وتعبي في مشواري الفني وقولت كل شئ نصيب والحمدلله على حب الناس والدنيا مستوره والحمدلله» .
وأضاف التهامي: «إنما توصل إن مشروعي مشروع عمري اللي أنا تعبت فيه في كتبته ولفيت بيه علي معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني ويعمله حد تاني بغض النظر ده فيلمي ومشروعي وأنا أول واحد من 10 سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي إنما التوائم الخارق، ده بتاعي ومسجله في المصنفات والشهر العقاري».

وقال التهامي لتبرئة تامر حسني :«تامر حسني صاحبي وأخويا وأكيد مايعرفش المعلومة دي أرجو الرساله توصله لأن أكيد في ناس كتير مؤذيه وحسبي الله ونعم الوكيل، أنا حاولت أوصل ل تامر حسني ومعرفتش».

فيلم «تاج» بطولة تامر حسني، ساندي، بيومي فؤاد، وتواصل الشركة المنتجة ترشيح باقي الأبطال، والعمل من تأليف تامر حسني، وإخراج سارة وفيق.