الشريف تيتو

(محور  جوزيف تيتو) طريق رئيسى هام  بمنطقة النزهة الجديدة - مصر الجديدة

تكريما وتقديرا

غفل مقرر الاسم •• شغف المصريين بالاختصار والتركيز والتبسيط والرمز

•• 

(جوزيف تيتو •• رئيس يوغسلافيا (1953-1980 )

قائد المقاومة ضد النازي و التعايش بين الأقليات اليوغسلافية والاستقلال عن الاتحاد السوفيتي

 •• مؤسس حركة عدم الانحياز 1955 مع نهرو • رئيس وزراء الهند والزعيم  جمال عبد الناصر المساند لمصر فى حروب 1967 والاستنزاف ونصر أكتوبر 1973)

••

فى التقاءه بشارع شارع جسر السويس  •• استخدمت تاكسي •• أوضح طريقى يقاطعنى السائق الشاب

- نأخذ طريق •• الشريف تيتو

- باسما أصحح الاسم وحقيقة الرجل

- يردنى بوضوح

-باقولك آيه يا باشا •• دماغنا مش ناقصة دوشة ••

كده أسهل  ومفهومة ••

(الشريف تيتو)

 ••

2

••

‎ فوقان

- من مزايا الشيخوخة •• استغنائى عن قيادة السيارة _أصلا سرقت فى الانفلات الأمنى 2013_ أستمع بالمواصلات العامة مع تناقص تحملى الجسدى بتهور السائقين واندفاعاتنا بفرامل الخطر يمكنها أحيانا الأطاحة بنا لنهر الطريق وألم لا يطاق فى الركبة والذراعين وكدمات  المقاعد  و ميلك ذات اليمين و ذات اليسار

 (السائق كأنه قائد عجلة بأقفاص عيش يتلوى بين سيارات زحام شارع رمسيس) لا يوقفه زعقة شاب أو دعاء سيدة عليه •• فى طريقها مبكرا للتأمين الصحى أو أى شغلانه أو ترافق  أحفادها للمدارس ولأنى من عشاق  طراوة الصباح  و(الفرجة على الخلق) رصدت بشاير فوقان ذوق بعض الركاب وطالنى بعضه _النبى هات الكبارة اللى عندك يقعد مكانى.

أمتثل •• محطتى  نهاية الخط الطويل •• يقلقنى فقدان  بهجة إحساسى بقدرة التحمل فى صباى وشبابى وأحيانا تأتى من غادة جامعية

-تعالى مكانى يا عمو ••أنا نازله قريب

 ••

تشمت زوجتى سعيدة بسؤالى

_ هو شكلى بقى عجوز قوى كده ?!!

-لو قابلتها تانى أسألها•• وأعمل شباب وسيب لها مكانك !!

 ••

عاد الأمر بإصرار كبار السن على ترك مقاعدهم لجلوس السيدات والشابات الفضليات ومبادرة بعض  الصنايعية  •• (مايصحش والله )

••

حالة تبهجنى  ••

عن قريب نعود لذوق وجدعنة ولاد البلد

 ..امين   

••

3

••

تمثال

أمام نادى التجدبف خلف مبنى الأوبرا الجديد بمنطقة الجزيرة ••يتواجد تمثال رخامى أبيض •• مهشم الرأس لجسد حيوان (قد يكون أبن أوى )

دارت عليه الأيام •يستخدمه سايس لرزق حجز  موقع ركن سيارة

••

تصميمه ونمنماته •• يكشف جهد نحته وخامته الصلدة

أراه تحفه فنيه •• يحتاج عين ترفق به ولا يهمل فى الشارع  ••

ورعاية  وصيانة وترميم من متخصصين ويعرض فى مكان أمن

•••

سألت••  قالوا  من تماثيل حديقة الاندلس القريبة ••تخلصوا من المهشم منها فى عملية تطوير

وقال أخرون •• من خامة رخيصة وكانت تزين مداخل العمارات الراقية بمنطقة الزمالك وطالها الإهمال

 أراه  خسارة ••

••

(أفة حارتنا ••وفرة الإبداع •• نستهين بكنوز •• يتمناها العالم

•

4

••

••ليد•

••

سكون ما بعد الفجر

نفطر  فى أمان الله ••كثير  من الصمت •• نثار كلمات تنتقد أفطارى •الملح •السمنه •الخبز

ياما جاب الغراب لأمه

بصفتى  (الواد سيد الشغال ••)

••

إذ فجأة

(طااااخ ) قوية مفزعة منتشرة أعلى رؤسانا

تليها (تك) صاروخية خلفى فى اتساع عرض مرآة النيش أتصدر حضن  شظاياها  

- و(تك) تدك بلورة السفرة •قد تشققها ونخسر الفطور  ثم (تك) عظيمة نهائية فى صدفة قلب صدى صينية معدن مسنودة بزاوية ميل على فراغ  •• تحدث دوياً

••

على رؤسنا الطير

ولأننا نعرف أن الهلع ••أخطر  من الحوادث

صمدنا جالسين ••  تتساءل عيوننا

••

- انفجار غاز فى الشقة العلوية وننتظر إنهيار السقف وكلاب الشرطة  تخرجنا من تحت الانقاض ?!!

وها نلقى خيمة إيواء ولا  !!!

- قديفة ذخيرة حية طائشة من تدريبب جارتنا •• القاعدة جوية ?!!

- سقوط جزء من طائرة مدنية لتوسطنا ممر هبوط  مطار القاهرة ?!!

-صاعقة كهربائية من تراكم سحاب  أزمة المناخ العالمى

- قذيفة من الرئيس (بوتن ) فى روسيا ••أخطأت طريقها عن أوكرانيًا ••وعجبتها  شقتنا?!

- محاولة أغتيالى عبر سلك أولوميتال البلكونه الفسيح بصفتى أفطر بيضة مسلوقة ثمنها 8 جنيه ?!!

••

-فيه أيه

••

ربك يأتى بالفرج •• شياط ودخان وأز شرارة  كهرباء

نرفع أعيننا للنجفة المرتعشة ••ونخفضها لطربوش اللمبة الليد الرفيعة وقد أستقر أخيراً بين أهداب السجادة

••

- بالمنطق ••

-اللمبة  الليد •• انفجرت  دون سابق إنذار أو سبب نعرفه

••

- هل ارتفع التيار الكهربائى فجأة ولم تتحمله  •• واشمعنى هى !!

خرجت من تحت دش ساخن فجأة والشباك مفتوح أخدت لطشة برد وإنفلونزا

(لذذ ••لذذ••ده تهكمهم من اللذاذة بتاعتى )

••

- أفتت زوجتى ( أبلة فضيلة •• مربية  أجيال مدرسية ) 

- أكيد أنتهى عمرها الافتراضى ••أنت فاكر جبتها من كام سنه (صوت  عالى وغضب وتبكيت )

-كده أنتظر أنفجار الباقى !!

-وارد طبعا !!

- ماشى ••مخدوعا غيرت كل لمبات البيت بالليد لنوفر أستهلاكنا

••كانت  4 جنيه

و خطة خمسية من كل مرتب  20 جنيه  5لمبات ••براحتنا

وبعبط تخلصت من اللمبات القديمة الأصيلة !!

••

-دلوقت الواحدة 50 جنيه  وعندك 24 للنجفة فقط تحتاج 1200 دفعة واحدة وإلا ظلام  وطولة لسانكم اللى عاوز قطعة (توحدة وأولادها وحفيدتها متنمرين فى جبهة صمود وتصدى )

- وزيادة معاشى 400 جنيه  يعنى راح  3 أشهر لإنارة النجفه فقط •• ربنا يستر على الحمام والمطبخ والصالة ينهاروا  قبل ما أتصرف

أرتد الواد  (الحيلة) بمقعده للخلف •• مغادرا منزعجا

(ى ى ى ى ى  يا عمارة ••بصوت صلاح السعدنى )

- يا محمد ••يا على (بيدلعنى )هى دى فلوس دلوقت ••أنت قديم قوى !!

وقبل أن أبجح فى وشوشهم

- طب هاتوا!!

أختفوا فى الذرة (بصوت سعيد صالح ) منهمكين يا عينى ••مهرولين (قل أيه ) يلحقوا بصمة عين مواعيد عملهم 

••

- رأس (حبيبة أمها )من فرجة الباب قبل غلقة ضاحكة

-هأ ••لو الكهرباء قطعت موبايلك يخلص شحنه وما تكملش كتابتك عليه!!

الحق أتصرف !!

••

-تأزرها  أبنتها (حفيدتى !!!!)

-التابلت بتاعى مشحون ها أبقى أشحتهوله

ها ها ها

••

يلوحون بأكفهم فارغة

باى سلام ••باى سلام ••باى سلام  !!!