عرض برنامج "السفيرة عزيزة" على قناة "dmc"، تقريرًا بعنوان "أم الشباب.. حكاية الحاجة بدرية دينامو الأكاديمية الوطنية للتدريب".
قالت الحاجة بدرية، مشرفة المباني والعمالة بالأكاديمية الوطنية للتدريب: "أنا بحب المكان دا زي بيتي بالظبط، وزي السمك أما بتطلع من المياه، مقدرش أسيبه وكنت شغاله في مركز شباب الجزيرة، وجات الدفعة الأولى من البرنامج الرئاسي واشتغلت معاهم فترة كبيرة، وهما اللي طلبوا إني أشتغل في الأكاديمية".
أضافت: "من ساعتها أنا مشرفة على كل المباني والعمالة. من أول الصبح بدخل مبنى مبنى واهتم بالعمالة وأوزعهم على كل مبنى وأديهم الشغل الخاص بيهم، وأتابع الشغل".
تابعت: " بحب المكان دا زي بيتي بالظبط، ويمكن بحبه أكثر من بيتي ومتعلقه بيه وبحب أي حد يدخل المكان يتكلم على الأكاديمية كلام كويس وروحي في المكان دا".
استطردت: "أي حد بيتخرج من هنا بحس إنه ابني أو بنتي، ومريت بظروف إني معلمتش ولادي، واللي بيتخرج من هنا بحس إنهم ولادي، وجوزي راجل مريض واشتغلت من سنة 1992 وربنا كرمني وصبرت لحد مكافأني بالأكاديمية".
يُذّكر أن برنامج السفيرة عزيزة، يُذاع يوميًا من السبت إلى الأربعاء في الثالثة عصرًا، وتتبادل على تقديمه 6 مذيعات؛ وهن سناء منصور، جاسمين طه، شيرين عفت، نهى عبدالعزيز، سالي شاهين، ورضوى حسن.