دافع المغني أمير عيد عبر صفحته بموقع التواصل الاجتماعي "فيسبوك" عن محمد رمضان بعد الهجوم الشديد عليه بسبب تصريحاته الأخيرة حول إسماعيل ياسين.
وقال أمير: "الناس مقموصة من الفنان محمد رمضان بسسب تصريحاته ضد أفلام إسماعيل ياسين... أنا مش فاهم هو فيها ايه لو في حد عنده وجهه نظر ضد أفلام إسماعيل ياسين وإيه المشكلة لو في حد مش بيحب أم كلثوم أو عبد الحليم".
وأضاف أمير: "هما مش مقدسين ولا هما فرض علينا ومش من الثوابت في النهايه كل انسان حر في رأيه مش لازم تفرضوا ارائكم علي البشر".
وتابع قائلاً: "كفايه جو الترهيب بتاع ده وفلان خط أحمر وعلان خط أخضر وده الهضبة وده الكنج، اكبروا بقى كده وبطلوا عياط وحاولوا تتعالجوا من الانسيكيوريتيز اللي عندكم".
وواصل: "ملحوظة أخيرة انا بحب إسماعيل ياسين وأم كلثوم و عبد الحليم جداً وعمري ما شفت فيلم لمحمد رمضان".
ورد الفنان محمد رمضان بعد دفاعه الأخير قائلاً: "ألبومك جامد يا أمير".