حرص الفنان تامر حسني على توجيه بعض النصائح للشباب، إذ طالبهم بعدم الاستسلام واليأس، والخضوع لضغط من يحاولون هدمهم، ويستخدمون أخطاءهم بالماضي ضدهم.

وكتب تامر، منشورا عبر حسابه الشخصي بموقع التواصل الاجتماعي تبادل الصور والفيديوهات الانستجرام: «من خلال قراءتي ودراستي الفترة الأخيرة لبعض العلوم، وأهمها علم الدنيا اللي احنا فيها دي، ومن خلال تجربتي الشخصية، حابب أتكلم عن حاجة مهمة أوي وتخص كل واحد فيكم نفسه يتقدم في عصر الإحباط اللي إحنا عايشين فيه ده، لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي».

 

 

 

 

View this post on Instagram

 

 

 

 

 

 

 

 

 

 

 

A post shared by Tamer Hosny (@tamerhosny)

وتابع حسني: «ده تطور طبيعي للّي عايز يبقى إنسان كويس وقلبه سليم، بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها، وتحولها لوقود حرق يخليك تنجح وتعلى أكتر، عندًا في اللي عايزين يشوفوك فاشل، خليها بقى عادة عندك كل ما حد يحبطك تنجح».

اختتم تامر حسني حديثه: «وتطور نفسك زياده لحد ما اللي بيحبطك يشوفك فوق جدًا، وفارق عنه ساعتها هيضرب نفسه بالجزمة إنه كان بيحاربك، عشان هو هتبقى طاقته فضيت وفشل، عشان وظف طاقته ليك وانت وظفت طاقتك وطاقته لخدمتك، فبقى عندك كذا دافع للنجاح يسخنك ويحفزك».