كتبت هبه جميل 

تجاوز الفيديو كليب لأغنية "زلة لسان" لنجم ستار أكاديمي محمد شاهين، مليون مشاهدة عبر موقع الفيديوهات العالمي"اليوتيوب" وذلك عقب طرحه بيومين فقط.

وحرص شاهين، على توجيه الشكر إلى جمهوره وشركة الإنتاج التي أنتجت الفيديو كليب، وكتب عبر حساباته الرسمية بمواقع التواصل الاجتماعي،"الحمد لله رب العالمين على وصول الكليب للمليون الأول في أقل من 48 ساعة حابب أشكر جمهوري المحترم اللي واقف جمبي وبيدعمنى لحد اللحظة دي يمكن أكون اتأخرت عليكم شوية بس الحمد لله كل تأخيرة وفيها خيرة”.

وأضاف: "وإن شاء الله دي البداية وكل اللي جاي هتكون حاجات تليق بيكم، بشكر شركتي المحترمة الراجل اللي وقف جمبي بجد من قلبه من أول ما مضيت معاه وإحنا أخوات وأصحاب وولاد بلد واحدة أستاذ محمد مهاب، وبشكر كل واحد تعب معايا في الكليب، وبالأخص المخرج والأخ الجدع يونس".

جدير بالذكر أن أغنية "زلة لسان" من كلمات صلاح مندي، ألحان تامر كروان، توزيع وسام عبد المنعم، هندسية صوتية هاني محروس، والكليب من إخراج محمد يونس.