اكتبوا قلبى فى المواليد .. قلبى اليوم دا طفل وليد
قلبى فى أول نبض حياه .. عمره باديه من عمر هواه
وياريت عمره يبقى سعيد
اكتبـوا قلبـى فى المواليــد
اكتبوا اسـم محب رقيق.. فى أول خطوة فى أحلى طريـق
مدن الحب دى ليه عنوان .. حايعيش فيها فى ضل أمان
فـيهـا الـفـرح يغـنـى نشيـد
اكتبــوا قلبـى فى المواليــد
اكتبـوا قلبـى مولـود فيـن .. فى بستـان ورد وياسمين
فى أحلى ربيع جه بالأزهار.. زهرة ولمست الأوتار
خلـت شمعــة حبـى تقـيـد
اكتبــوا قلبـى فى المواليـد
مولـود فى الدنيا دى كبير .. لغته ماتحتاج يوم تفسيـر
هى الباقية فى كل أوان .. فيها الكلمة نغم كروان
إملوا فى كـل الكون زغاريد
اكـتبـوا قلبـى فى المواليـد
أشرف صلاح الدين - القاهرة