نفت الفنانة القديرة ليلى طاهر، الشائعات المتداولة حول وفاتها، قائلة: "أنا زي الفل بس الناس مش مقتنعة ومش أول مرة، حصل قبل كده ثلاث أو أربع مرات".

تابعت خلال مداخلة إلى برنامج "كلمة أخيرة" الذي تقدمه الإعلامية لميس الحديدي على قناة "ON"، مساء اليوم الثلاثاء: "زمان كنت بتضايق ولكن دلوقتي مابقتش اتضايق وبقول دول هبُل ومش عندهم حاجة يكتبوها فيكتبوا أخبار وفاة، ولو صحفي أو محرر فن المفروض يدقق". 

لفتت إلى أن الظاهر اليوم هو قلق الناس عليها، قائلة: "لفت نظري حب الناس اللي متعرفنيش في الشارع وفي كل مكان وبحثهم عن رقمي عشان يطمنوا عليا، وعلشان حب الناس ليا واحترامهم ليا مش هنزل درجة واحدة عنه، وعشان تاريخي اللي الناس بتعتز بيه، مش عاوزة أعمل حاجة أقل درجة مما قدمته وإلى الآن لم أعثر على شيء يتسق مع ما قدمته خاصة أن المرحلة العمرية اختلفت ونوعية الفن لكن مش هعمل حاجة أقل من اللي قدمته".