وجه الفنان هاني عادل سؤال لمتابعيه يتساءل فيه عن سبب انتقادهم  لتقديم الألفاظ الخارجة في الأغاني والمهرجانات، على عكس تواجدها في أغاني الراب والأعمال الأجنبية.

وكتب هاني عادل منشور، على  حسابه الشخصي بموقع التواصل الاجتماعي فيسبوك، قال فيه: ليه الشتيمة والألفاظ في الراب عادي والمهرجان والأغاني العادية مش عادي، ليه الشتيمة والألفاظ في الأفلام الأجنبية اللي بتوافق عليها الرقابة عادي، والشتيمة في الأفلام المصري مش عادي؟.. ده ليه؟ .

وتابع:هو الشتيمة لو جايه من حد بيلبس شيك أو بالإنجليزي تفرق عن واحد شعبي وبيتكلم مصري من الشارع أو بيغني؟، محتاج أفهم فعلًا محتاجين نعرف برضه، إن فيه مشاعر في الأغاني والأفلام مش هيتعبر عنها إلا كدة، هتقولي والأطفال هقولك عيالك يعرفوا شتايم من قباحتها مش يوصلك معناها أصلًا، وابقى احترم أنت وعيالك لما بيتكتب على السينما فوق 18.

اختتم هاني عادل منشوره قائلًا: فيه محطات راديو بفلوس برضه في العالم كله فوق 18،هي أسئلة كتير بس أتمنى يكون ليها إجابة.

الجدير بالذكر أن الفنان هاني عادل يشارك في مسلسل "بنون"، المقرر عرضه قريبًا عبر إحدى المنصات الإلكترونية، وتجرى أحداث العمل في إطار جريمة تشويقي، بطولة الفنانة بسنت شوقي، محمود حجازي، هيا فياض، يارا عزمي، رشا بن معاوية، محمد نبيل، رانيا الملاح، مريم سعيد صالح، ميريت عمر الحريري، محمد حسيب، من تأليف محمود محرم ورفيق القاضي وقصة أسامة حسام الدين، وإخراج أسد فولادكار.