أعلن الفنان الشاب خالد الفايد عودته للغناء من جديد، بعدما اعتزل الفن في الفترة الأخيرة.

وكتب خالد الفايد منشورا عبر حسابه الشخصي بموقع التواصل الاجتماعي الفيسبوك، قائلا: "حلو أوي إنك تعمل الحاجة اللي بتحبها، وتسيبك من كل القيود والأفكار الرجعية، أول يوم أنام مرتاح نفسيًا وحاسس أني بعمل حاجة صح، ولقيت نفسي طردت الأفكار الهدامة من دماغي، انتصرت على نفسي الحمد لله".

واعتذار خالد الفايد لـ هاني محروس، عبر حسابه الشخصي بموقع التواصل الاجتماعى الفيسبوك، قائلا: "أكبر غلطة عملتها في حياتي أني سمعت كلام الناس، كنت مخلص من قلبي ..لكن شفت منهم عكس كدا، وربنا يكفيكم شر اللعب في الودن والكلام الفارغ، ربنا يبعد عنكم اي حد بيستغلكم ويضحك عليكم باسم الدين، ربنا يبعد عنكم اي حد عامل فيها مولانا وهو عطاط ،صدقوني في حاجات مش هقدر اشرحها ليكم ،ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم، اوعي تسلم ودنك لحد وتخليه يبخ فيها سموم،دا درس اتعلمته حبيت اوضحه علشان محدش يقع في نفس غلطتي".

وأضاف الفايد: مش أي حد يربي دقنه أو بيحفظ أو يدي درس في الدين يبقى شيخ، فيه مرجع إسلامي لينا وهو الأزهر ده اللي نرجعله ديمًا ونروحله على طول، الباقي مُدعين، ومعظمهم باحثين وقارئين مش أكتر، واتعلمت إني أعمل اللي بحبه وأسيبني من الناس، عايز أقول إني لما بطلت كنت مخلص جدًا ولا كان في نيتي أي تريند والموضوع طلع لوحده تريند أول مرة ومش بسعى له ودي حاجة بتاعت ربنا ودلوقتي لما سألت وعرفت والناس كويسة دلتني على الصح، تفكيري بيتغير، الواحد كل فترة تفكيره بيتغير.