كشف الفنان عمرو رمزي، كواليس أول لقاء جمعه بالزعيم عادل إمام، والتحاقه بمسلسل فرقة ناجي عطا الله بعد برنامجه الشهير حيلهم بينهم، قائلًا:"أول مرة كلمته أنا متكلمتش هو اللى اللي اتكلم، لقيت رامي إمام بيقولي سيب اللي في إيدك وخد فأعطي التليفون للزعيم فقال لي أنت جميل وشوفت حيلهم وبينهم وحرمت يا بابا، وهتبقى معانا في مسلسل فرقة ناجي عطا الله، وبس".

أضاف رمزي خلال استضافته في برنامج "الستات مايعرفوش يكدبوا" على قناة "CBC" كانت فرصة عمري أن الزعيم عادل إمام يكلمني، وفي اليوم ده منمتش وفضلت ساكت لحد لما رامي إمام خد منه السماعة فقال لي تمام يا عم فقلت له إيه اللي تمام يا عم، فقال لي الأستاذ اللي كلمك فقلت له طيب اديهولي تاني أكلمه فرد مش فاضيين نشوفك في المسلسل، فقلت له طيب أجيلكم البيت قال لي الساعة 12 بالليل هتيجي فين؟ هنشوفك بكرة الساعة 11 في الشركة، ولما روحت الشركة كنت قاعد بدردش أنا ورامي فدخل الأستاذ مقالش حتى السلام عليكم فأنا قلت أكيد اتشلت من الدور وقفل مني ورامي كان بيهزر".

وأستكمل رمزى : "قلت لرامي إمام امشي خلاص بقى الزعيم حتى مقالش السلام عليكم لينا وهو ماشي من قدامنا، فقال لي يا عم اصبر بس هو مشغول شوية، فقعدت شربت قهوة وبعدين دخلنا علي أوضة البروفة فالزعيم كان قاعد علي الترابيزة بيكلم حد فقلت له مساء الخير مردش عليا، فقلت لرامي فيه ايه قال لي اسكت، فضلت قاعد ساكت، فالزعيم مرة واحدة قال لي أنت مين؟ وقتها اتخضيت خضة جامدة ومبقتش عارف أقول ايه".

تابع: «بعدين قلت له رامي اللى قاللي اجي، فرامي قال له يا أستاذ معلش هديله حاجة كده ويمشي، فأنا قلت هيديني حسنة يعني ولا ايه، فقلت له طيب يا أستاذ اسيبك علشان واضح انك مشغول، فقال لي لأ اقعد بطريقته، ايه بقى اللي جابك هنا يا عمرو، فقلت له رامي قال لي احنا بنعمل مسلسل فرقة ناجي عطا الله، ولو بتعملوا المسلسل عموما مبروك، فقال لي مبروك علي ايه يا حبيبي، فرد أما نشوف ايه اللى جابك هنا وقام برة وراح باصص عليا من الباب وراح قافل الباب، كنت عايز أنط من الشباك، ولكن في النهاية وافق عليا».

https://fb.watch/my1HSIdo3h/?mibextid=ZbWKwL