ودع نجل الفنان الراحل أشرف مصيلحي بكلمات مؤثرة معبرا عن حزنه لوفاة والده، وشارك متابعيه بصورة تجمعهما سوا، ونشر يوسف أشرف مصلحي صور تجمعهما في مراحل عمر مختلفة، وذلك عبر حسابه الشخصي بموقع "إنستجرام" وعلق عليها قائلاً: "الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا.. تشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي".

وتابع نجل أشرف مصلحي: "أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك".

واختتم معبرا عن حزنه الشديد مودعاً ولده: "أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله".

وكان قد رحل  عم عالمنا الفنان أشرف مصيلحي مساء يوم الأحد الموافق 17 سبتمبر، بعد صراعه مع مرض السرطان، وهو يناهز من العمر 49 عاما.

يذكر أن آخر أعمال أشرف مصيلحي كان مسلسل "الطاووس"، الذي عرض في 2021، بطولة جمال سليمان، سميحة أيوب، سهر الصايغ، أحمد فؤاد سليم، رانيا محمود ياسين، وشاركت به مجموعة كبيرة من الفنانين.