رد الفنان الشاب طه دسوقى على تشبيهه بالفنان أحمد حلمى، مؤكداً أنها مسئولية كبيرة، وذلك فى تصريحات تليفزيونية. وقال دسوقي: «أحمد حلمى من الناس اللى كنت بتفرج عليها من زمن وبحب طريقتهم فى الكوميديا فتشبيهى بيه حاجة تشرفنى جداً بس تخوفنى لأنها مسئولية كبيرة إنى أتقارن، أو مش أتقارن لأنها مقارنة ظالمة جداً، خلينى أقول أتحط فى مكانة جنب حد بالخبرة والتلقائية والجمال ده، دى مسئولية كبيرة أنا بخاف منها، اللى هو يا جماعة أنا عارف إن ده حب بس الموضوع موتر بالنسبالى». وأضاف: «تواصلنا تلفونياً بعد مسلسل موضوع عائلى، وقال لى انت بتفكرنى بنفسى وأنا صغير، خلانى أتنطط فى المكان من فرط سعادتى». جدير بالذكر أن آخر أعمال طه دسوقى كان من خلال مسلسل «الصفارة» فى رمضان ٢٠٢٣ أمام الفنان أحمد أمين والفنانة آية سماحة.