ردت الفنانة حورية فرغلي على الاتهامات التي وجهتها لها ريم طارق، طليقة مؤدي المهرجانات حسن شاكوش، بأنها كانت سبب انفصالهما.

وقالت حورية فرغلي في فيديو نشرته على حسابها الرسمي على «إنستجرام»: «الحقيقة طالعة أتكلم في موضوع كان بقاله فترة ومضايقني وساكتة بس أنا قررت إني لما يحصلي حاجة زي دي أشهدكم عشان لو غل طانة انتوا تقولولي، أنا كنت ساكتة فترة طويلة جدا ومش برد عشان أنا أكبر بكتير من كدة بس الموضوع زاد عن حده».

وتابعت حورية: «طبيعتي مش بطلع أتكلم وأرد بس من كتر ما الموضوع بقى أوفر مش قادرة عايزة أشهدكم، حتى مش حابة أقول الاسم بس هضطر أقول عشان كرامتي وعشان حقي المعنوي، الأستاذة ريم طارق طليقة حسن شاكوش اللي أنا معرفهاش خالص وعمري ما شوفتها إلا في فرحها على السوشيال ميديا، وفي برنامج بسمة وهبة".. مضيفة "اتقال اسم حورية وتالت حرف ر والناس سابت كل الأسامي ومسكت في اسمي، ومع ذلك سكت ومتكلمتش إنما يجيلك الجرأة إنك تنزلي وتقولي إن الفنانة حورية فرغلي تكشف عن اسم الفتاة اللي كانت مع شاكوش لغاية هنا وستوب».

وصفت حورية فرغلي ريم طارق بأنها تسعي خلف التريند، وذلك عقب ذكر أسمها موضحا: "عايزة تجيبي اسم حورية فرغلي عشان تطلعي تريند، أنا أعرف منين البنت اللي كانت معاه، وأنا على فكرة مصورة اللي انتي منزلاه وممكن أرفع عليكي قضية تشهير.. متبعه: "برضه بعد ما قولتي كدة أنا سكت ومش عايزة أتعدى الموضوع اللي أنا مليش علاقة بيه أصلا، لكن لما تطلعي تقولي أنا معتذرتش لحورية فرغلي.. حبيبتي أنا مطلبتش منك تعتذريلي، تعتذريلي على إيه؟ على الفيلم الهندي اللي انتي عاملاه وجايبة اسمي فيه؟".

واختتمت حورية فرغلي: "مش هقولك غير ربنا يهديكي لنفسك وتبطلي تجيبي في سيرتي، لأن بجد المرة الجاية أنا هشتكيكي بالتشهير بيا وصدقيني مش هتستحملي،  ومش هتتخيلي هيحصل فيكي إيه، واسم حورية فرغلي متقوليهوش عشان تطلعي تريند"".

وكانت ريم طارق طليقة حسن شاكوش علقت منذ فترة على الأزمات والخلافات التي نشبت بينهما، وذكرت إن شاكوش على علاقة بفتاة ثالث حرف من اسمها راء، وربط الجمهور بين حورية وعلاقتها بشاكوش.