شارك الفنان تامر حسني جمهوره بمنشور عبر حسابه الشخصي على موقع التواصل الاجتماعي فيسبوك، ليوجه نصيحة للذين يتساءلون عنوجود الله في حل خلافاتهم.
وكتب تامر حسني خلال المنشور قائلا:« في الوقت ده ناس كتير إيمانها بربنا ممكن يتزعزع او ينهار و يقولوا طب ربنا فين مش هرد بالآيات والأحاديث عشان في ناس أحق مني يتكلمون بلغة الدين بس انا هرد رد بسيط من واقع الدنيا … انت لو دخلت فيلم و جالك تليفون فا استعجلت و مشيت في ربعه الاولاني هل تقدر تحكم على نهاية الفيلم أكيد لأ يعني متحكمش على حاجة لسه مش خلصان».
واستكمل تامر قائلاً:"طب الدنيا لسه شغالة مخلصتش يعني متعرفش بكرا ربنا شايل ايه مستعجلة و تحكم على الدنيا و انت لسه مشوفتش مرحلة النصر اللي ربنا وعد بيها اصلاً في قرآنه متحكمش دلوقتي حكمك هيكون غلط احنا لسه مكملناش الدنيا للآخر،" يمهل ولا يهمل"، و اللي راحوا دول جريوا على الجنه اللي هي الحياه الاساسيه حياة الخُلد راحوا دار الحق و مشيوا من دار الباطل.
وأضاف تامر حسني: «يا جماعة الدنيا دي ولا حاجة دي دار باطل فيها الشر والكره والحقد والظلم .. لكن الناس دي راحت لحياة كلها حب وخير وسلام وفرح ولما في الآخره نشوف كل حد كانت حياته صعبة ومليانة معاناة ازاي ربنا كافئه على صبره وتحمله من كل اللي شافه وكرمه بأجمل نعيم الجنة الصبر يا جماعة و الثقه في وعد ربنا».
وأشار حسني:«الدنيا دلوقتي و سكان الأرض انقسمت ٢ ناس إيمانهم راح وناس اتمسكوا بعقيدتهم اكتر ودول أول ناس كسبوا معركة الدنيا، ثقوا في كاتب الدنيا العظيم انكم لازم توقفوا في النهاية من حلاوة نصره و هو ينصر المظلوم بمعجزة من عنده تتحقق في الوقت المناسب اللي يعلمه هو مش إحنا والله والله والله لازم يبقى معندناش شك نهائي في رحمته وفضله اكسبوا المعركة».
واختتم تامر حسني حديثه قائلاً:" يا جماعة اوعوا أيمانكم بربنا تهز احنا كلنا أصلا عايشين في اختبار ولازم ننجح فيه .. إن شاء الله هتشوفوا بعنيكم أكبر رد من ربنا كما وعد في قرآنه الكريم (( ثقوا في الله )) ان وعد الله حق