كشف الفنان صدقي صخر كواليس مشهد المرافعة، في مسلسل «صوت وصورة» بطولة حنان مطاوع، الذي يتعرض حاليا على قناة dmc، ومنصة watch it.

قال صدقي صخر في تصريح خاص لـ «دار الهلال»:«قعدت أحفظ كتير أوي في مشهد المرافعة، والكلام كان كتير جدا باللغة العربية ومصطلحات قانونية، فكان صعب وصورناه في يوم واحد في دار القضاء العالي، فكان يوم تقيل والدنيا حر والجو مكتوم، المشهد كان ظروفه صعبة ولكن الحمد لله مبسوط بالشكل اللي طلع بيه، الموضوع كله اتنفذ وطلع على الشاشة بشكل خلاني ممتن».

بينما علق على أراء الجهور في  نبرة صوته الذي يتحدث بها خلال أحداث المسلسل:« أنا مبسوط إن الناس واخدة بالها منها، لإن دي حاجة أنا اشتغلت عليها لإن طريقة كلام الشخصية مش زي طريقة كلامي في العادي، وهي طريقة جاية من المرافعات، وأنا مبسوط إن الجمهور مقدر المجهود ده كله».