نعت المنتجة شهد رمزي،  شقيقها المنتج صلاح رمزي والذي رحل عن عالمنا منذ أيام بعد صراع طويل مع المرض.

نشرت شهد مجموعة صور لها برفقة شقيقها عبر حسابها الشخصي بموقع التواصل الاجتماعي تبادل الصور والفيديوهات الانستجرام، وكتبت عليها:«أول مرة أبقى مش عارفة أتكلم ولا أقول حاجة وأعبر عن جرح ووجع مزمن، فراقك مش هيكون أسهل مع الأيام بالعكس هيكون أصعب بكتير كل يوم، وجودك كان كفاية، كلامك الحلو والله كان كفاية، حبك كان كفاية، كنت الحاجة الوحيدة اللي بتحسسني بالحب اللا محدود، كنت بتعوضني عن فقدان أبويا، مش قادرة أتخيل إني مش هشوفك تاني ولا عارفة أصدق ولا عارفة هكمل اللي باقي من عمري إزاي من غيرك».

 

 

 

 

View this post on Instagram

 

 

 

 

 

 

 

 

 

 

 

A post shared by Shahd Ramzy (@shahdmramzy)

وأضافت:«اتولدت لقيتك وكنا طول عمرنا 4، عمرنا ما هنبقى 3 يا صلاح هتفضل موجود معايا في كل حاجة بحبك وبموت فيك وبعشقك، مش عارفة أنام يا صلاح».

اختتمت شهد حديثها:«الابتلاء المرة دي أقوى من أي حاجة والحمدلله على كل حاجة، الحمدلله إني عشت معاك أحلى أيامي وحياتي، الحمدلله إني أختك يا أحلى وأحن وأجمل أخ في الكون.. وحشتني أوي».