أعرب سميح ساويرس عن سعادته بـ إقامة الدورة السادسة من مهرجان الجونة السينمائي في ظل هذه الظروف السيئة التي تمر بيها المنطقة العربية. قال سميح ساويرس في كلمته خلال حفل افتتاح الدورة السادسة من مهرجان الجونة السينمائي:"لكم أن تتخيلوا قد إيه الواحد كان هايب النهاردة، بس بعد الإنجاز اللي موجود هنا وبعد كل اللي شوفناه النهاردة، أنا سعيد إني كان عندي الجرأة إني أعمل هذا المهرجان السنة دي". وتابع:" أنا كان رأيي أن في ظل الظروف السيئة اللي في المنطقة بالعكس إحنا لازم نوري أن عندنا حضارة،و اخواتنا في فلسطين بيعرفوا يعملوا سينما و عايشين زي كل الناس وعايزين يعيشوا زي كل الناس". أضاف: "علشان ميطلعش الكلام دايما مفيش غير منظر واحد أن حد يموت ناس، في شعب عايز يعيش وشعب زينا وشعب يستاهل كل خير، فأنا بشكر كل الحضور وإن شاء الله نستمر في هذا المهرجان كل سنة،و نشوفكم كل سنة،و ارجوا السنة اللي جاية تكون الظروف أحسن من النهاردة".