علق الإعلامي تامر أمين، على التصريحات السابقة للحكومة بشأن دراسة إلغاء إجازة يوم السبت، وجعلها كيوم طبيعيً للعمل، قائلًا: "سواء التصريح ده اتقال ولا ماتقالش هو يوم السبت ده أساسًا أنا مش فاهمه، هو إجازة ولا لأ".
وأضاف أمين خلال حلقته من برنامج "الحياة اليوم" المذاع عبر فضائية "الحياة"، "طيب لو هو إجازة رسمية بالنسبة للدولة، إزاى المدارس شغالة يوم السبت، والمدارس الحكومية بتعتبره يوم عمل وبتدرس يوم السبت، كل المدار الحكومية بتشتغل يوم السبت، وبداية العام الدراسة كان يوم سبت، والفصل الدراسي الثاني كانت بدايته يوم سبت، يعني مثلًا هو إجازة في الحكومة والتعليم لأ".
وتابع: "ده من ضمن الحاجات اللي محتاجة توضيح، هل يوم السبت ده إجازة ولا يوم عمل ولا لامؤاخذة، اي دولة في العالم عارفه إجازتها الأسبوعية عاملة إزاى إلا أحنا".