اصحى يا نايم وحد الدايم
وقول نويت بكره إن حييت الشهر صايم والفجر قايم
اصحى يا نايم وحد الرزاق
رمضان كريم
مسحراتي منقراتي بنقره نقره أمس والمس
بيد ياما عاشت تغمس أيام أليل وأيام أشمس
وأسرح من الفجر بالمدمس وفي العصاري الدرة وترمس
معرفش أربع أعرف أخمس لعيون حبايبي ولا عيني تنعس فى كل حي وفي كل مجلس
أنا ودني أتقل من اللي وسوس ويفتح الله عقلي المتربس
نجف ملعلع معرفش أهمس أعرف أدوي بصوت يحمس والليل ده عندي تختة مدرس
بسرح وبشرح من غير ما داعبس أما مزاجي عمره ما فلس
وانا ابني قال يا سطه للمهندس
المشي طاب لي والدق على طبلي
ناس كانوا قبلي قالوا فى الأمثال:
" الرجل تدب مطرح ما تحب"
وأنا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحتة من بلدي حتة من كبدي حته من موال
يا عم يا سقا يا اللي قربتك لأ أنا بدي ودني لكل الدنيا واتلقى
الأولى أينعم والتانية مش لأ
والتالتة دي الميه في الحنفيه والمواسير وأنا طبلتي في الإذاعة دقة دقة
اصحى يا نايم وحد الدايم
السعي للصوم خير من النوم
دي ليالي سمحه نجومها سبحه
اصحى يا نايم يا نايم اصحى
وحد الرزاق
«