نفى الفنان شريف خير الله ما تردد حول تعرض الفنان خالد زكي لوعكة صحية مفاجئة.

نشر شريف خير الله، منشور على حسابه الشخصي بموقع التواصل الاجتماعي الفيسبوك، قائلا: «الحمدلله خالد زكي بخير وصحة وياريت نبطل أشاعات وكلام فاضي ..صباح الخيرات».

الجدير بالذكر أن مهرجان الاسكندرية كرم الفنان خالد زكي، في دورته السابقة، حيث قال الفنان خلال التكريم: «أنا لو في صديق ليا مخرج أو منتج داخل عمل فني، ومتعودين نتكلم علطول فتلاقيني ابتعدت في هذه الفترة عشان يكون الاختيار من أجل الورق مش علشان صديق ومن البداية لم أسعى للانتشار، ومش لازم عشان أتواجد باستمرار أقبل بأي حاجة، عشان احترم الجمهور، عشان لما انتقل إلي ربنا يتقال لأولادي أن أبوكوا كان راجل كويس واسيبلهم ذكري جميلة، ويمكن جلوسي في البيت كثيرا أثر ماديا نوعا ما ولكن أنا الحمد لله ماديا كويس، ولما مش بيكون معايا بقفل علي نفسي البيت وبناكل فول وطعمية َوبكون سعيد جدا وأهلي علمونا كده، والرزق بتاع ربنا، وأنا دايما بحترم كل حياتي».