هاجم كابتن نادى الزمالك الاسبق خالد العندور فيلم "ولاد رزق .. القاضية"، وكتب على صفحته الرسمية علي الفيس بوك:"للناس اللي تفكيرها طفولي لما بتخش أي فيلم مع الأسرة أو الأصدقاء عشان نستمتع بقصة الفيلم والإبداع الفني في كل حاجة مش عشان نثبت إن شعبية النادي ده أكبر من النادي الآخر وكإن الفيلم مالوش قيمة و لموضوع قلب تحدي".

كلام العندور تكمله لفيديو بثه على صفحته قال خلاله "فوجئنا قبل نزول فيلم أولاد رزق بثوان تغيير اسمه لأولاد رزق "القاضية" ووجود إمام عاشور اللي جاي من الزمالك وكولر ومحمد عبدالمنعم اللي مكنوش موجودين في القاضية .. كانوا بيقولوا عليا أنا بتاع فتنة والناس ولا فارقة معاها الأيام المفترجة اللي إحنا فيها ولا فتنة ولا تعصب وكيد لانتماء معين وفصيل من الناس .. هل ده فن الإعلان؟ وهل بتقول للزملكاوية إن الفيلم معمول ضدكم؟ مستغرب جداً من الناس اللي بتتكلم عن الحيادية ونبذ التعصب والفتن .. لكن للأسف هما هما اللي عملوا فتنة بين الجمهور بيدافعوا عنها .. أنا مجيش 1% من التعصب والفتنة اللي بيخلقها الكتير من الإعلاميين واللي على السوشيال ميديا".