كشفت سمر عنتر خريجة كلية التربية الرياضية بجامعة أسيوط، والتي تصدرت التريند على مواقع التواصل الاجتماعي خلال الساعات الأخيرة، بسبب فيديو لها أثناء رقصها في حفلة التخرج، عن شعورها بعد تصدرها التريند خلال الساعات الماضية، حيث قالت إن فيديو رقصة التخرج ليس عارًا أو عبء عليها، ولكن تعليقات رواد مواقع التواصل الاجتماعي سبب صدمة وانهيار لها لأنها لم تخرج عن المألوف.

وأضافت سمر عنتر خلال مداخلة هاتفية مع الإعلامية عزة مصطفى ببرنامج «صالة التحرير»، والمذاع على قناة صدى البلد: "أنا خصيمة أي حد تكلم عني أو تكلم في شرفي، أنا طالعة أتكلم النهاردة عشان خاطر أهلي، يوم التخرج دا المفروض يوم ذكرى جميلة، بسبب كلام مستخدمي السوشيال ميديا تحول لذكرى مش كويسة".

وأكملت: «هو كل اللي تصدر التريند بقي بطل أو مشهور، أنا الموقف دا مش خرجت فيه عن النص أو تجاوزت، لبسي محترم ومش في خروج عن النص، أنا مش وحدة وحشة أنا بطل تايكوندو، ومدربة كمان».

وانهارت سمر عنتر بالبكاء أثناء حديثها مع الإعلامية عزة مصطفى، لترد الأخيرة عليها قائلة: «من حقك تفرحي وتعيش اللحظات الحلوة دي، أنا مش عايزاكي تعيطي ولا تبكي أنا بحضنك وببوسك، ربنا ياخد كل شخص ييشهر بأي حد، أو يأذي أي شخص أو يكون سبب في أذيته، ربنا ينتقم منه، حقك على رأسي يا سمر أنتي بـ100 راجل يا سمر».