ردت الفنانة مي سليم على شائعة ارتباطها بالنجم أحمد الفيشاوي بعد ظهورهما سويا سواء بصور من كواليس فيلم بنقدر ظروفك أو العرض الخاص للفيلم. وقالت مي سليم: "احنا محدش فينا أعلن عن الفيلم خالص، وهو قالى اية رأيك ننزل صورة من الكواليس ؟ فاختارنا صورة الفرح على اساس ان طول الفيلم احنا متبهدلين ودي اكتر صورة شكلنا حلو فيها، ولما نزلها نسي يكتب من كواليس فيلم كذا". اما عن موقفها من الجواز، فأكدت مي أن عند ظهور شخص مناسب من المحتمل ان تتزوج مرة أخرى. وتابعت: "لما جالى فيلم بنقدر ظروفك حسيت ان الحكاية نفسها مختلفة وماطرحتش قبل كدة، وهو بيتكلم عن مشاكل تكوين منزل الزوجية فى ظل ارتفاع الاسعار ، وحب الناس لبعض و مساندتهم فى المناطق الشعبية ، ومبسوطة جدا بفريق العمل كله ".