تنشر"بوابة دار الهلال"، ضمن باب "إبداعات" قصيدة بالعامية بعنوان "ساعة عصرية" للكاتب محمد أبو زيد التجاني، وذلك إيمانا من المؤسسة بقيمة الأدب والثقافة ولدعم المواهب الأدبية الشابة وفتح نافذة حرة أمامهم لنشر إبداعاتهم.
نص القصيدة:
أوقات بحن لساعة عصرية
الشمس كانت ودودة وعِشَرية
وهي ماشية تملِّي
تعدِّي على شيش بيتنا
ترمي سلامها بحنية
أمي بتعاملها كأنها منها
زي أختها أو صاحبتها
أصلها بتعرف تستقبلها
تفتح لها الشباك على الآخر
وكوباية شاي بنعناع فاخر
وصوت الست: لسا فاكر؟
يبص أبويا عليها
من تحت النظارة
وتقول له فاكر
يرجع لجرناله بابتسامة
جايز دي بينهم أمارة
لازم على بيتنا كله تفوت
تقولش عقد ومكتوب
وهي ساعة يادوب
تلم خطاويها
لكن خطاوي أبويا في يوم سبقتها
وبقت ونس أمي في وحدتها
شريكتهم في الحب والرحلة