حل الفنان عمر كمال، أمس ضيف في برنامج «حد النجوم» مع الإعلامية سالي عبد السلام، وتحدث عن العديد من أسرار في حياته الشخصية، عن بداية مشواره الفني.

نستعرض لكم في السطور التالية أبرز تصريحات عمر كمال:-

 -أنا خريج صنايع، تعبت وقاعد 30 سنة بشتغل وعمرى ما بصيت لحد خالص.

-نزلت أول مرة رمسيس كان معايا عشرة جنيه في جيبي.

- اشتغلت في بداية حياتي في مطعم كنت بأخذ 300 جنيه في الشهر.

-حظى وحش فى الارتباط، وأمى عمرها ما عرضت عليا عروسة.

-حبيت مرتين ومنجحتش وانتهت كل القصص عادي.

- أنا عايز أتجوز بس ميكونش عندي عيال.

-الخلفة مسئولية تقيلة ووجع قلب ومش هعرف أربي ولا هكون أب حنين وهبوظ الولد.

-الزواج العرفي كويس.

-مفيش حد في الحياة يضرب حد من الجمهور بالقلم، لو حد ضربني غصبن عنه استحالة أضربه.

-كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل.

-حمو بيكا لازم يمثل لأنه شبه طلعت زكريا، نفسي يعمل مع هاني رمزي فيلم «غبي منه فيه».