كشفت الفنانة داليا البحيرى، عن مفاجأة بشأن مشهد لها برفقة الزعيم عادل إمام فى فيلم «السفارة فى العمارة»، الذى تم عرضه فى عام 2005. وقالت داليا البحيرى، عبر تصريحات تليفزيونية لها: «لما شاركت مع الزعيم عادل إمام مكنش عندى أى محاذير ومينفعش أقوله أصلاً إنى عندى أى ملاحظات أو مشكلة مع الدور بتاعى فى فيلم السفارة فى العمارة». وأضافت: «محصلش إنى قلت له مش عايزة مشاهد جريئة أو ساخنة فى فيلم السفارة فى العمارة، إزاى أنا أقول لعادل إمام عندى محاذير، أنا كنت سعيدة جداً بالمشهد اللى عادل إمام شايلنى فيه بالمظاهرة بفيلم السفارة فى العمارة، ومصدقتش نفسى إن الزعيم بيكلمنى ويعرض عليا الدور». وتابعت: «لما السيناريو وصل ليا كنت مفكرة نفسى إنى كومبارس مع عادل إمام، وكنت وقتها أصلاً بطلة فى السينما، لحد لما وصلت لمشهد الزعيم وهو بيشيلنى على كتفه، ودى بالنسبة لى تقديمة كبيرة جداً ليا لأن الزعيم بنفسه شايلنى على كتفه، ومن أهم وأحب الأدوار ليا وكان حظى كبير إنى اشتغل مع الزعيم».