كشفت الفنانة الشابة مارتينا عادل، عن كواليس التحضيرات لشخصية "أحلام" التي قدمتها في مسلسل "عمر أفندي"، وكيف أستقبلت ردود الأفعال على الدور. وقالت مارتينا، في تصريحات صحفية: "أنا فجأة لقيت بين كل كومنت وكومنت في كومنت في النص بيقول ديه حاجة سبعتاشر أووي في عايزة أقولك الحمد لله وطبعاً اتخضيت ومكنتش مستوعبه فالأول أنا تقريبا في يوم كده كنت بعمل بروڤه مسرح أو حاجه زي كده نمت صحيت لقيت حاجات خياليه كده". وتابعت: "طبعاً معرفش ومكنش عندي رد فعل بقول الحمد لله بس وبقول شكرا لكل بني آدم الموضوع لمسة وحبه وشكراً لأي حد كتب كومنت حسسني إن أنا كنت خفيفة عليه ووجودي كان لطيف فأنا اللي بقولهم شكراً يعني والله". واستكملت: "عايزة أقول الناس كلها كانت بتتخانق معايا فـ عرض المسلسل وإنتي يعني إيه مش موافقة على ابننا..! ده احنا إبننا حلو أوي ده إحنا ابننا دياسطي ده مفيش حد زيه، وليه تقولي لأ إنتي لازم تتصرفي مع الحاج ده ولازم أبوكي يوافق وكلام من ده كتير بقي .. وأنا عماله أقولهم يا جماعه إحنا بنهزر والله ده مسلسل وشكراً جداً يعني إنكوا مبسوطين بس مش لدرجة إنكوا بتتـخانقوا معايا يعني". ويذكر أن مسلسل "عمر أفندي" من بطولة أحمد حاتم، رانيا يوسف، مصطفي أبو سريع، أيه سماحه، محمود حافظ، محمد رضوان، ميران عبدالوارث، أحمد سلطان، وغيرهم، ومن تأليف مصطفى حمدي ،وإخراج عبدالرحمن أبوغزاله.