رد مدير التصوير محمود شاهين، نجل شقيق الفنانة إلهام شاهين، على انتقادات التي تعرض منها من قبل الجمهور، بسبب احتفاله بحفل زفافه، كما علق على بكاء ابنه خالته إلهام صفي.
قال محمود شاهين في تصريحات تلفزيونية: "في مجموعة ناس قاعدين بينتقدوني ميعرفوش أي حاجه عني، ولا يعرفوا أنا مريت بإيه وميعرفوش حياتي عامله إزاي، ولا يعرفوا علاقتي بربنا إيه، في منهم حد كفرني، كل ما في الموضوع فرحي كان تريند شكرا لكن شوية وهيموت، زي م في حاجات كتير تطلع تريند فترة والموضوع ينتهي".
وتابع:"معنديش رد على كل الانتقادات دي غير إني عملت فرحي وانبسطت لان طلع زي م كنت عاوز، الحمد الله اني اتجوزت الإنسانة اللي كنت بحبها".
أما عن تريند مشهد بكاء الفنانة إلهام صفي في حفل زفافه، قال: "أنا بالنسبة لإلهام أخوها وصاحبها وبيتجوز دي فرحة رهيبة ليها، الكل كان بيعيط، الناس ركزت بس بأنها بتهتم بيا ودي بنتي وأختى وصحبتي وإحنا عيلة، الناس اللي بتقول أن في حاجة بينا دول بيفكروا إزاي".
الجدير بالذكر، أن إلهام صفي، تصدرت تريند جوجل الفترة الماضية، بسبب حفل زفاف نجل خالها، لتعلق بعدها خلال تصريحات التليفزيونية، قائلة: "محمود بالنسبة لي حياتي كلها وهو أخويا الكبير، وربنا يسعدهم ويهنيهم، هما الاتنين قلبهم طيب وبيحبوا الحياة وبيحبوا بعض أوي، قعدت أعيط زي العيلة الصغيرة علشان حبيبي هيتاخد، بس هو مش هيتاخد مني برضه".