شارك النجم الشاب أحمد بحر الشهير بــ "كزبرة" منشورًا عبر حسابه الرسمي بموقع تبادل الصور والفيديوهات الشهير إنستجرام، عن طريق خاصية استورى، وذلك ردًا على ما بدر من النجم محمد رمضان وهجومه الأخير عليه.
وكتب "كزبرة" قائلًا :"أول حاجة الحمد لله على نعمة ربنا عليا وحبكم ورسائلكم الجميلة اللي بتوصلني ورد الفعل الجميل منكم على فيلم الحريفة 2.. كلام كتير نفسي اقوله واعبر بيه ليكم”.
وتابع كزبرة: "والله يجماعة الكلام ده نفسي أقوله من بدري بس حاسس إن ده وقته، أنا مش عارف ليه كل لما انجح في ناس بتحاول تتطلع صورتي وحشة أنا بجد نفسيًا مبقتش قادر وبقالي فتره كبيرة كل لما اعمل حاجة حلوة مبقتش عارف اتبسط بيها ونفسيًا مش أحسن حاجة.
وأضاف: ربنا اللي عالم الواحد كل اللي يهمه انه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية علي أساس انه شخص تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره واخواته اللي بيحبيوه .. زي ان يتنسبلي كلام مقلتهوش أو يتقلل مني بحاجات قديمة عملتها.
واختتم كزبرة حديثه قائلًا: أحيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم أنا مش عارف ليه وده السبب اللي ببيخلي إنسان طيب أول ما ينجح يتحول لإنسان عنده نقص وعنده حرب مع كل اللي حوليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فانا ياجماعة مش عايز أوصل للمرحلة دي أنا عايز أبقي إنسان طيب وفحالي واشتغل علي نفسي وأقدملكم فن يعجبكم ويبسطكم هو ده هدفي فبلاش تتعاملوا مع الواحد بأسلوب هو مش حبه وشكرا لكل واحد بيدعمني من قلبه وأي حد بيحب اللي بقدمه أو حتى بينتقده بأسلوب كويس انتم اللي تهموني.
وفي وقت سابق، قام الفنان محمد رمضان بالرد على تساؤل حول حقيقة خلافه مع "كزبرة"، وذلك خلال حضوره منتدى السينما والتغير المناخي، الجمعة، بسينما راديو بوسط البلد.
وكان الرد من قبل محمد رمضان، على التساؤل بطريقة ساخرة، قائلًا: «إحنا مش في محل عطارة هنا»، في إشارة منه إلى اسم كزبرة.
يأتي ذلك بعد رد كزبرة، على خلافه مع محمد رمضان، وعلق: «حبيبي لو زعلان البحر هناك مليان».