يفضل معظم أفراد العائلة، تناول الحواوشي، لما له من مذاق وطعم يؤسر الفم، ولذلك تقدم الشيف "حنان مدحت" مهرجان الحواوشي في إفطار اليوم التاسع من رمضان، والمكون من حواوشي باللحمة وأخر بالخضار للنباتيين.
طريقة عمل الحواوشي باللحمة:
المكونات:
كيلو لحمه مفرومة من قطعية السن
شريحة ليه ضانى مفرومة
عدد ٢ بصله متوسطة مفرومة ناعم
أربع قرون فلفل حامى حسب الرغبة أو فلفل رومي
ملعقة طحينة
فص ثوم واحد
ملح
فلفل
بهارات لحمه
عيش بلدي نص سوا
الطريقة:
يخلط اللحم مع الليه والبصل والبهارات والطحينة والفلفل ويلفوا مره واحده فى المفرمة.
يتم عجنهم جيدا لمدة ربع ساعة باليد حتى تكون عرق.
تفرد فى العيش البلدي وتدهن الأرغفة بالسمن.
ترص فى صاج الفرن وهو ساخن ويتابع بالتقليب لضمان التسوية ويقدم ساخن.
طريقة عمل حواوشي الخضار:
المكونات:
بطاطس مبشورة
جزر مبشور
بصل مبشور
كزبرة خضراء مفرومة
ملعقة ثوم مفروم
فلفل اخضر حامى أو رومي
ملح
كمون
كزبره ناشفة
بابريكا
عيش بلدى
ربع كوب زيت
الطريقة :
نضع طاسه على النار وبها ربع كوب الزيت نتركه يسخن ثم نقوم بتشويح البصل والجزر والبطاطس والثوم .
يتبل بالبهارات ثم نضيف الكزبرة الخضراء والفلفل ويقلب جيدا ثم نحشى به أرغفة العيش.
فى نفس الطاسة تدهن زيت خفيف جدا ويوضع الرغيف حتى يحمر ثم نقوم بتقليبه على الوجه الآخر وهكذا يتم تسوية باقي الكميه ويقدم ساخن مع طرشي وسلطة بلدي و طماطم مخللة.
وبالهناء والشفاء...