حرص الفنان محمد رمضان على دعم لاعب لاعب نادي الزمالك السابق إبراهيم شيكا بعد إصابته بالسرطان بزيارة مفاجئة له في المستشفى.
ونشر رمضان فيديو يجمعه بلاعب الزمالك إبراهيم شيكا عبر صفحته الشخصية على فيسبوك وظهر فيه شيكا، قائلا: "طبعا كنتوا مستنيين المفاجأة الكبرى.. دي مش مفاجأة ده العيد الكبير وكل حاجة حلوة جت هنا.. مين بقى معايا؟!" ليظهر بعدها محمد رمضان قائلا: "يعني هنقوم بالسلامة.. وهناكل سوشي في الجو.. والدنيا هتحلو".
وتابع قائلا: "ثقة في الله تقوم بالسلامة وبفضل ربنا ودعا الناس ويمكن اللي حصل ربنا بيقولك شوف الناس بتحبك قد إيه ومش ناسياك.. بطل في الملعب وبطل في الحياة.. اللي بتواجهه دي بطولة تانية عشان أنت قوي وهترجع الملاعب تاني إن شاء الله".
وعلق رمضان على الفيديو قائلا :"حبيبي يا شيكا ربنا يشفيك ويعافيك ويطمن كل حبايبك عليك".
وزار الفنان محمد رمضان لاعب نادي الزمالك السابق إبراهيم شيكا خلال الأيام الماضية، في لفتة إنسانية، وشارك اللاعب صورة تجمعهما عبر حسابه الشخصي على "فيسبوك".