حرصت الفنانة فريدة سيف النصر على دعم المخرج محمد سامي، وذلك بعد قراره باعتزال الإخراج التلفزيوني.
ووجهت فريدة سيف النصر، رسالة لـ محمد سامي، عبر حسابها على موقع التواصل الاجتماعي «فيسبوك»، قائلة: «ارجع عن قرارك يا سامي.. بصوا أنا ماعرفش ايه اللي بيحصل لاني حقيقي مش مختلطه خااااالص.. تقدروا تقولوا شغلي بيجي من الله بلا حول لي وإتقنه كما أمرني واروح بيتنا والباقي علي الله.. ولذلك حقيقي ماليش في اي كواليس وشلل وقعدات عزومات مهرجانات خيانات وخد وهات وابوك السقا ماااات زي الببغاء ما بيقول.. ولذلك في ايه ياعم سامي هي خناقة مدرسه عالساندويتشات واتقمض واجري واغير مدرستي.. اللي بيحب شئ بيحارب علشانه في ايه..
لو اي غلط أنا متعرفوش يتغير يتصلح لكن مااخسرش فنان من نوع خاص الفنون جنون».
وتابعت:«وللعلم كل مانحب نتكلم نقول بلطجة نقدكم نفسه علشان بتملكوا ورقة وقلم وبرامج بلطجة على اي مبدع.. أنك تقطع عيشي بلطجة.. انك تعمل عليا مؤامرة بلطجة.. أن إنتاج يقولك كتير على تلاتة تعريفه بتاخدهم ويدي بمزاجه ضيوف عندك ملايين بلطجة.. لما يكون جمهورك قد الدنيا وتقعد في بيتكم بلطجة..لما يقولك توزيع يعني بيوزعوك أنت لانك مسمع من المحيط للخليج..دوول قعادهم هو البلطجة وبمزاجهم مش زي الناس ماعايزة».
وحرصت فريدة سيف النصر على دعم محمد سامي، طالبة منه المحاربة، مضيفة: «خلليك محارب fighter..worior.مقاتل..ده شغلك موهبتك من الله أنا كده ومابسكتش عالحق.. بص احنا ماتفقناش خالص في جعفر لكن عديناها باحترام لبعض لفنك ولفني..مع المحترم الديبلوماسي رمضان..لكن مش بمزاجك تبعد ولا بمزاجي اسكت لا والله لأنك فنان ..بكل حاجه سيئة أو حلوة هايقولوها عنك، كلنا خطائين..أنا والله ماعرفت في ايه..لكن البوست صعب.. توليفتك الذكية من أعمال زمان والناس بتحب ايه دي مضايقه البعض.. أنت بدأتها من ملك الترسو فريد وخناقاته ونجاحها وأي حبكة درامية موجودة في القديم وفي الحياة مشكلتك فاهم تجيب الناس ازاي وده بيقهر خدها مني أنا خبرة».
ووجهت حديثها لمنتقدي محمد سامي، قائلة: «اللي يقول بقى عصبي كل المصريين عصبيين من الضغوط وعلى بعض من التعليقات الغل والحقد وكتير اتغيرنا..هايقولوا بيشجع المشاكل انزلوا اي حته كلهم مشاكل اتجننوا وللعلم الخناقات من زمان في كل افلام العالم ماخترعنهاش..من اول ما دخلوا بروس لي وفاندام..وكتييييير..ما خلصنا..أمي الله يرحمها كانت بتقول ..أن كرهتوهم ماتفتروش عليهم».
وأردفت:«مش بمزاجك تجري واجه نعرف غلطنا ونصلحه..وللعلم مسلسل اش اش تحفه.. ماجد المصري وادوارد وايهاب عملوا مشاهد عالميه.. طبعا مي تتحب مالهاش حل.. كلهم والله عالفرازه يعني بتعرف تحط مين فين.. وسيد الناس حلو اوووووي سيبك بقي من أعداء النجاح في عيوب أداء بقي صوت ماعرفش ايه عالي..هو المفروض في جو التوتر العائلي ده يتكلموا علي الهادي وضوء شمع ومزيكا بيانو ولا ايه..هو اي هبد..والممثلين تحفه ياللا بقي .هو في ايه بجد في ايه».
واختمت، متسائلة عن ذنب زوجته عندما يعتزل الفن: «ولما حضرتك تمشي ده حل وكمان مي ذنبها ايه تسيبها ولا هاتاخدها ولا مالكم.. بصوا أنا فنانه بقلبي وكياني ومافيش حاجه اسمها خلليك في حالك وامشي جنب الحيطه..لاه أنا بره الحيطه والصندوق والحق حبيب الله.. من الآخر حد يقوللي أن ابني يغلط اطرده ولا انصحه واوجهه ..كل ده وانا مش فاهمه ليه قسما بالله..كل اللي هاقوله..سامي مش بمزاجك ومش هانتفرج عالموهوبين بيهربوا نسيبها لمين..مانقعد نقول واحد اتنين تلاته كذا.. الله اكبر» .