يحتفل المنتج هشام جمال بحفل زفافه من الفنانة ليلى أحمد زاهر، الآن في منطقة سقارة الأثرية، وسط حضور كبير من نجوم الفن والإعلام والشخصيات العامة.
أعربت ليلي أحمد زاهر عن سعادتها بزواجها من هشام جمال، فى تصريحات تليفزيونية قائلة: "حاسّة إني أسعد ست في الدنيا، عشان هتجوز حب حياتي، وأنا فعلاً شايفة إن ربنا أهداني إنسان نادر".
وأضافت:"هشام دايما بيخليني أحس بالسلام، والحب، والراحة، وأنا جنبه بحس بالأمان، وبكون على طبيعتي من غير أي تكلف الحب اللي بيني وبينه مش سهل تلاقيه، وعشان كده أنا تمسكت بيه من أول لحظة".
أما عن اختيار إقامة حفل زفافهما فى منطقة سقارة قالت: "مين ما بيحلمش بفرح قدام الأهرامات؟ بس إحنا حبينا نعملها بطريقتنا، علشان كده اخترنا سقارة، مكان كله تاريخ ومميز في كل تفصيلة، زي اليوم اللي بنحتفل فيه بالظبط".
شهد حفل زفاف ليلى أحمد زاهر وهشام جمال، حضور عدد كبير من نجوم الفن والرياضة وكان من ضمن الحضور عدد من الفنانين من بينهم لقاء سويدان ومروة عبد المنعم وباسم سمرة ومحمد ثروت وأحمد صفوت، حسين فهمي.