كشفت الإعلامية دعاء فاروق عن تفاصيل زيارتها للكينج محمد منير، بعد مكالمة هاتفية حدثت بينهما بالصدفة، حينما كان يتحدث هاتفيًا مع إحدى صديقاتها.
نشرت دعاء فاروق مجموعة صور لها برفقة الكينج محمد منير، على حسابها الشخصي بموقع التواصل الاجتماعى تبادل الصور والفيديوهات الانستجرام:"علي غرار الصوت الشهير اللي بيقول أنا طلعت في التلفزيون، أنا ممكن اعمل صوت بنفس الانبساط والدهشة بيقول أنا زورت الكينج محمد منير في بيته، وعشان متحتاروش وتقولوا ايه اللي جاب القلعة جنب البحر الموضوع ببساطة ان ريهام ابراهيم صديقتي الجميلة كانت بتزورني امبارح للاطمئنان علي ديدو ابني وفي وسط القاعدة تركتها ودخلت المطبخ".
عرض هذا المنشور على Instagram
تمت مشاركة منشور بواسطة Doaa Farouk (@doaafarouk)
أضافت:"وإذا بروكي بنوتي جت تقولي الحقي يا ماماه ده ريهام بتكلم محمد منير في التليفون عادي، قلت لها اه يا روكي ما ريهام من أصدقائه المقربين جدا منذ سنوات طويلة،دخلت علي ريهام وقلت لها كواحدة مصرية أصيلة ممكن تحشر نفسها في مكالمه لا تخصها بتاتا سلميلنا عليه يا ريهام وقوليله ان كلنا بنحبه،واعتقد ده العادي بتاع اي كائن مصري سامع صوت محمد منير طالع من السماعة اللي جنبه، فإذا بريهام تقول له طب خد دعاء فاروق عاوزة تكلمك،وكانت مفاجاة لطيفة لانه لطيف جدا جدا لدرجة اني لما بقول له علي فكرة جوزي بيحب يسمعك جدا،فعلا هو مطرب عماد المفضل قال لي بمنتهي اللذاذة ( الله الله ) خلصت المكالمة بكلمات الثناء اللطيفة وانهيتها بإن شاء الله تيجي فرصه واشوف حضرتك قريب فكانت المفاجأة انه قال لي اتفضلي نوريني مع ريهام بكرة".
اختتمت الإعلامية دعاء فاروق منشورها:"نجم كبير وقيمة كبيرة، علي قدر نجوميته علي قدر تواضعه ولطفه الشديد في استقبالنا، فرحت جدا لما قال لي انه أتفرج عليا النهاردة الضهر في برنامجي، في الصورة ريهام إبراهيم اللي بشكرها بجد علي المفاجأة والزيارة الحلوة دي وعازفة الهارب الجميلة ياسمين حربي اللي اتعرفت عليها من خلال ريهام إبراهيم من سنتين وحبيتها جدا جدا".