احتفلت الفنانة راندا البحيري بعيد ميلاد والدها، معبرة عن تقديرها الكبير له ودورها المهم في حياتها وحياة أفراد أسرتها، مشيدة بمسيرته المهنية وإنجازاته في مجالي الهندسة المعمارية وتجارة السيارات.
وشاركت راندا البحيري عبر حسابها على موقع التواصل الاجتماعي "إنستجرام"، صورة تجمعها بوالدها، وكتبت: "بابا كل سنة وأنت طيب يا حبيب قلبي، ربنا يباركلك و يحفظك و يسعدك، ويخليك لينا أنا و احمد و روض وحبيبه وحفيدك ياسين القمر، ياسين بيقولك كل سنه و انت طيب يا جدو، ربنا يمد في عمرك و يديك من فضلك، و اللي ميعرفش بابا فايته كتير بصراحه، بابا من أكثر الشخصيات اللي ممكن تفيدك، مستشار شاطر جدا".
View this post on Instagram
A post shared by Randa Elbehairy (@randaelbehairyofficial)
وتابعت: "مهندس معماري مفيش زيه .. هو اللي بني مسرح الهرم للأستاذ فاروق صبري رحمة الله فرقة الفنانين المتحدين، و مسرح و سينما كوزموس بعماد الدين و مباني تانيه كتير جداً مهمه في القاهره كلها إدارية و تجاريه مش عمارات، اشتغل في الهندسه سنين و كان في نفس الوقت تاجر سيارات مهم جدا و كل سوق السيارات يعرفوه و أصدقائه، دخل عربيات بعينها مصر مكانتش موجوده عندنا و خد توكيلات كتيره في التسعينات، ابن بار لأمة الله يرحمها و يجمعنا بيها في الجنة يارب اللي هي جدتي طبعا روض حسن، بحبك يا بابا".
راندا البحيري تهاجم ميريام فارس
هاجمت الفنانة راندا البحيري، عودة الفنانة اللبنانية ميريام فارس لإحياء حفلات غنائية في مصر، وذلك بعد تداول منشور أخير للأخيرة عبر حسابها على موقع التواصل الاجتماعي، مشيرة من خلاله إلى عودتها لمصر مرة أخرى، كما أعربت راندا البحيري، عن استيائها من استقبال ميريام فارس مجددًا في مصر، مشيرة إلى تصريحات سابقة للأخيرة عن مصر.
وكتبت راندا البحيري عبر حسابها على موقع التواصل الاجتماعي "فيسبوك": "الفنانة التقيلة اللي قالت إنها كتير على مصر وتقيلة عليها، منزلة بوست بتقول فيه (جيالك يا أم الدنيا)... العيب مش عليها، العيب على اللي بيشغلوها هنا بعد ما هانتنا".
وأشارت أن ميريام قامت بإغلاق خاصية التعليقات على منشوراتها، قائلة: "قافلة الكومنتات على البوست وعلى صورها علشان عارفة إن فيه شرفاء مش موافقين على العبط ده، حسبي الله ونعم الوكيل في كل حد بيخلي شكلنا قليل".