حنان مطاوع تكشف تفاصيل اللحظات الصعبة بعد وداع والدها: كنت بادعيله بالشفا وهو متوفى

كشفت الفنانة حنان مطاوع عن تفاصيل مؤثرة عاشتها في لحظة وفاة والدها، الفنان الراحل كرم مطاوع، وذلك خلال لقاء بأحد البرامج التليفزيونية.

وقالت حنان إنها كانت تزور والدها يوميا في المستشفى، وتشهد تدهور حالته الصحية يوما بعد يوما، مؤكدة: "كنت عايزة أسمع منه وأقوله حاجات كتير، كان موقف صعب ومكنتش مستوعبة لحظة وفاته".

وتابعت: "في يوم ابن عمي كلمني لأول مرة في البيت، وقالي عمو كرم عايز يشوفك، فسألته عايز يشوفني ولا في حاجة حصلت؟ وبدأت أعيش سيناريوهات كثيرة في رأسي، بين هل هالحق أشوفه وأقوله إني بحبه، ولا مش هالحق؟".

وأضافت: "لما وصلت المستشفى لقيت الدنيا مقلوبة، وكان في صحفيين كتير، وأنا كنت متلخبطة في كل حاجة، وبدعي ربنا يشفيه وهو كان قدامي متوفى، حتى آيات القرآن اللي حفظاها نسيتها من شدة الصدمة".

واختتمت حديثها قائلة: "مكنتش مستوعبة ولا فاهمة اللي بيحصل.. واللي حصل كان صعب جدًا على بنت عندها 17 سنة".