كشفت الإعلامية رضوى الشربيني، عن تفاصيل جديدة فى برنامجها "هي وبس"، من المقرر أن يعرض غدا، على قناة DMC، والتي تعود من خلاله لاستكمال تقديم برنامجها الشهير بعد فترة من التوقف عقب إنهاء تعاقدها مع قناة CBC سفرة.
وقالت رضوى الشربيني، في فيديوعلى حسابها الشخصي بموقع التواصل الاجتماعى الفيسبوك: برنامج هي وبس الجديد فيه فزورة أو تقنية ممكن تكون اتعملت قبل كده، ولكن في البرنامج هتتعمل بشكل جديد، وبالنسبة للرجالة اللي كانت متضايقة وبتقول رضوى الشربيني بتهاجمنا ومبتسمعناش ومبتديناش فرصة، حاضر هنديكم فرصة متزعلوش.
وأضافت:ناس كتير أوي اشتغلوا على الأفكار الجديدة للبرنامج ويارب المنتج ده أو اللي أنتوا هتشوفوه يعجبكم لأني مرعوبة، دايمًا البرامج في التلفزيون يا بيبقى المذيعة هي المذيعة يا الموضوع يا المحتوى، ولكن أول مرة يكون البطل هو الجمهور وأنتوا اللي هتحكموا ودي أول مرة تحصل، أعتقد أن دي من أحلى الأفكار، وممكن تحكموا بيني وبين حد".
اختتمت رضوي الشربيني حديثها:"الجمهور ممكن يحكم ويقول القصة دي عجباه ولا لأ علشان كده حاطة أيدي على قلبي ومرعوبة، علشان كده ادعولي".