تبدأ قناة "dmc" عرض برنامج "هي وبس" الذي تقدمه الإعلامية رضوى الشربيني، يومي الثلاثاء والأربعاء من كل أسبوع في تمام الساعة الحادية عشر مساء.
ويُسلط برنامج "هي وبس" الضوء على قضايا المرأة ومناقشة همومها وتطلعاتها، مع إضافة فقرات وأفكار مبتكرة تهدف إلى جذب فئة أكبر من المشاهدين وإثراء الحوار بطريقة عصرية.
كما يقدم البرنامج الذي يُعرض بشكل حصري على "dmc"، محتوى وفقرات عديدة تهدف إلى مخاطبة تطلعات المرأة العربية ومناقشة مختلف قضاياها من زوايا مختلفة.
فى السياق ذاته، كشفت رضوى الشربيني، عن تفاصيل البرنامج الخاص بها في فيديوعلى حسابها الشخصي بموقع التواصل الاجتماعى الفيسبوك: برنامج هي وبس الجديد فيه فزورة أو تقنية ممكن تكون اتعملت قبل كده، ولكن في البرنامج هتتعمل بشكل جديد، وبالنسبة للرجالة اللي كانت متضايقة وبتقول رضوى الشربيني بتهاجمنا ومبتسمعناش ومبتديناش فرصة، حاضر هنديكم فرصة متزعلوش.
وأضافت: ناس كتير أوي اشتغلوا على الأفكار الجديدة للبرنامج ويارب المنتج ده أو اللي أنتوا هتشوفوه يعجبكم لأني مرعوبة، دايمًا البرامج في التلفزيون يا بيبقى المذيعة هي المذيعة يا الموضوع يا المحتوى، ولكن أول مرة يكون البطل هو الجمهور وأنتوا اللي هتحكموا ودي أول مرة تحصل، أعتقد أن دي من أحلى الأفكار، وممكن تحكموا بيني وبين حد".
اختتمت رضوى الشربيني حديثها:"الجمهور ممكن يحكم ويقول القصة دي عجباه ولا لأ علشان كده حاطة أيدي على قلبي ومرعوبة، علشان كده ادعولي".