كشف الفنان آسر ياسين، عن سر تأثره بمسلسله بدون سابق إنذار، الذي عرض في 2024 وتعاون خلاله مع الفنانة عائشة بن أحمد، وحقق العمل نجاح كبيرا وقت عرضه، بجانب حديثه عن رفضه رؤية المشاهد التي صورها قبل عرضها على شاشة التليفزيون.
وقال آسر ياسين، في لقائه مع الإعلامية والفنانة إسعاد يونس فى برنامج "صاحبة السعادة": بحب مسلسل بدون سابق إنذار جدا، لأن ده أول مسلسل أعمله ليه علاقة بالأبوة واضحة، والولد كان ممثل هايل وسليم ده لو مكنش قوي كممثل مكنش هيبقى فيه مسلسل، لأن هو عبارة عن الطفل اللي بنشوف ابننا ولا مش ابننا، وأنا كنت بتأثر بيه جدًا، وآخر حلقة لما اتفرجت عليها مع أن مش سهل أنك تتفاعل مع حاجة صورتها ولكن الحلقة دي أنا كنت منهار من العياط بسببها.
وأضاف آسر ياسين: انهرت لأني صدقت المشاهد وخلاني كجمهور وفنان أتفاعل وأحس بيها، ودي عبقرية هاني خليفة والكتابة أن خلاني أحس بـ ده رغم أني عارف اللي هيحصل، بس أنا لما بصور حاجة مبتفرجش فمببقاش عارف إيه اللي هيحصل، فأنا كنت مسلم تمامًا ومبحبش أشوف المشهد على المونيتور.