أعلن محمد إبراهيم كيشو، نجم مصر في المصارعة اعتزاله بعد مسيرة مميزة، خاض خلالها العديد من البطولات.
وقال اللاعب في بيان اعتزاله: بعد سنين طويلة من التعب، التحديات، والانتصارات.. بعد ما شرفت بلدي ورفعت علمها في المحافل الدولية، وقدرت أحقق الحلم وأتوج بميدالية أولمبية في المصارعة الرومانية…
وصلت للقرار الأصعب في مشواري الرياضي.. قررت أعلن اعتزالي اللعب رسمياً".
وأضاف :"القرار ده مش سهل، والمصارعة كانت دايمًا أكتر من مجرد رياضة بالنسبة لي… كانت حياتي، وشغفي، وسندي في أصعب الأوقات.بحمد ربنا على كل لحظة عشتها فوق البساط وكل لحظة فخر، وكل تشجيع سمعته من أهلي وجمهوري وبلدي."
وواصل :"بشكر كل مدرب ساعدني، وكل زميل وقف جنبي، وكل حد دعمني بكلمة حلوة أو بدعوة من القلب
شكراً للمصارعة اللي علمتني أكون راجل قبل ما أكون بطل.
وشكراً لكل حد كان جزء من الرحلة"