يعيش الفنان محمد رشاد حالة فنية نشطة، حيث أطلق مؤخرًا أحدث أغنياته بعنوان "قهوة مظبوطة" بنسخة الفيديو الغنائي من ألبومه الجديد المتوقع صدوره تحت اسم “عشم وأخويه”.
وتتواجد الأغنية الجديدة قهوة مظبوطة" عبر تطبيق الفيديوهات العالمى يوتيوب، وجميع منصات الموسيقى المختلفة وأيضا محطات الراديو، وتتميز بإيقاع صيفي سريع يناسب أجواء الموسم.
أغنية "قهوة مظبوطة" تأتى من كلمات ملاك عادل، ألحان مصطفى الشعيبي، توزيع موسيقي إسلام ساسو، وهندسة صوتية من م/ هاني محروس، وهي إنتاج "إن جى ميوزيك برودكشن" برئاسة هاني محروس، وتوزيع شركة ديجيتال ساوند.
وفي خطوة مهمة، جدد محمد رشاد تعاقده مع المنتج هاني محروس استعدادًا لطرح ألبوم “عشم وأخويه” خلال الفترة المقبلة، وهو التعاون الثاني بينهما بعد نجاح أغنية "اللي كانوا" التي صدرت عام 2016.
وعلى الصعيد الشخصي، تلقى محمد رشاد تهاني الجمهور بعد إعلان خطوبته مؤخرًا على فتاة من خارج الوسط الفني، وشارك صوراً من حفل الخطوبة عبر حسابه على إنستجرام مع تعليق رومانسي قال فيه: “يا أغلى من روحي، بحبك كل يوم أكتر من اليوم اللي قبله ربنا يباركلي فيكي ويحميكي ويجعل بينا كل الخير”.
وبالتزامن مع هذا الإعلان، قرر رشاد طرح أغنيته الجديدة التي تعكس جزءًا من مشاعره وأفكاره.
وتطرح كلمات الأغنية موضوعات اجتماعية وشخصية تتحدث عن الصدق والخيبة في العلاقات مع عبارات مثل:
*“هات واحد قهوة مظبوطة.. على ناس مطلعوش مظبوطة… ده الواحد ياما شاف بلاوي.. كله ع الأذية ناوي…”*
وتقول كلمات "قهوة مظبوطة:..
كلها بتمدح في روحها .. وعاملة جدعان فالمواقع
بس في الواقع تعوزهم .. يجروا يتداروا في قواقع
والزمان لو قل منك .. ادي دقني ان سألوا عنك
بس نجمك لما يعلى شوية .. كله هييجي راكع
هات واحد قهوة مظبوطة .. على ناس مطلعوش مظبوطة
وعاللي في الجد بيجري .. وما بنشوفهوش
هات واحد قهوة غير ديه .. على اللي خادوني تسلية
وناس اختارتهم طلعوا ميشرفوش
ده الواحد ياما شاف بلاوي .. كله ع الأذية ناوي
ليه تركزوا في حياتنا .. مين بعتلكم دعاوي
ده الواحد ياما شاف مهازل .. غل زلزل الزلازل
ياللي نازل من نظرنا .. واحدة واحدة وانت نازل
هاروني وعود كتير وكلام .. يكفي عشر سنين قدام
وساعة الشدة ما اشتدت .. محدش كان معايا تمام
في ناس طول ما انت ليك علامات .. هيبقوا ملايكة وبجناحات
ولما الدنيا هتعكسك .. هتطلع كان ملكش اخوات
ده الواحد ياما شاف بلاوي .. كله ع الأذية ناوي
ليه تركزوا في حياتنا .. مين بعتلكم دعاوي
ده الواحد ياما شاف مهازل .. غل زلزل الزلازل
ياللي نازل من نظرنا .. واحدة واحدة وانت نازل
https://y
outu.be/g9zFxFDR794?si=pkq-WifDKjxjefOG