وجه الإعلامي د. عمرو الليثي رسالة مؤثرة عبر صفحاته الرسمية على السوشيال ميديا، عبر فيها عن رؤيته لمعنى الصبر والقدرة على مواجهة ضغوط الحياة، مؤكدا أن الضحكة أحيانًا تكون غطاء يخفي ما بداخل القلوب من أوجاع.
وقال الليثي في مقطع فيديو قصير:"ربنا يكفينا شر الناس اللي مستكتره علينا الضحكة، والعين اللي بتراقبنا في كل خطوة، والقلوب اللي مليانة حقد ومش قادرة تتحمل تشوف غيرها بخير وسعادة".
وأضاف:"الناس دي بيشوفوا الصورة من بره، ما يعرفوش أن الوجع ساعات بيقلب بضحك، وأن الكلام الكتير بيبقى هروب من هم كبير.. ضغوط فوق أكتافنا، لو تحملتها القلوب المريضة دي كانت وقعت من زمان".
وتابع الإعلامي قائلا:"اتعودنا نستقوي بالله سبحانه وتعالى ونكمل الطريق من غير شكوى، وبنضحك لأن الضحكة ستر.. ومؤمنين أن اللي جاي خير، حتى لو بداخلنا وجع لا يعلمه إلا الله".