مصطفى شوبير: محمد صلاح قدوتنا

كشف مصطفى شوبير، حارس مرمى منتخب مصر، أن تأهل المنتخب الوطني إلى كأس العالم 2026 لم يكن سهلًا كما يعتقد البعض.

وتحدث شوبير في تصريحات لقناة "أون سبورت" عقب التأهل: "الناس فاكرة إن ماتشات تصفيات كأس العالم سهلة، لكن الحقيقة إن عندنا لاعيبة كبيرة بتساعدنا نخلي الماتشات أبسط، خصوصًا إن المنتخبات الإفريقية بقى عندها محترفين كتير وده خلى كل الماتشات صعبة جدًا".

وأكد: "مقدرش أهاجم الإعلام، أنا ضد المبدأ ده، وهروق لما أروح البيت، لكني أكن كل الاحترام والتقدير للإعلام والصحافة".

وأشار شوبير: "والدي قالي من البداية لو غلطت هيحاسبني، وده اتفاق بينا، لكن هو دايمًا بيدافع عن كل الحراس مش عني أنا بس".

أما عن المقارنة مع محمد الشناوي، فاوضح : "مش فاهم ليه دايمًا المقارنة بيني وبين الشناوي، المنافسة بينا في الملعب والمدربين عندهم وجهة نظر، والأهلي عنده حراس جامدين حتى في قطاع الناشئين، وأنا بشوف إن المنافسة دايمًا بتكون في الملعب بس".

وقال شوبير عن محمد صلاح ودوره داخل المنتخب، مؤكدًا أنه يمثل قدوة للجميع: "محمد صلاح هو اللي زرع فينا الدافع إن كل لاعب لازم يهتم بنفسه ويكون عنده دكتور تغذية ومدرب خاص، وده اللي فارق معانا".

وتابع: "الجيل ده يستحق يتوّج بكأس أمم إفريقيا، وعارفين احنا محتاجين إيه، اللي متعملش في اللي فات قادرين نعمله في اللي جاي".

واختتم شوبير:" أن لقطة مصافحته لمحمد صبحي بعد المباراة كانت أمرًا طبيعيًا يعكس روح الزمالة والاحترام بين حراس المنتخب".