عبّرت الفنانة منة شلبي عن حزنها العميق لرحيل الكاتب والسيناريست الكبير وحيد حامد، مؤكدة أنه مثّل لها مرجعية فنية وإنسانية، ووصفت غيابه بأنه بمثابة "يُتم فني".
وقالت منة خلال لقائها ببرنامج "الصورة" الذي تقدمه الإعلامية لميس الحديدي على شاشة "النهار": "رحيل وحيد حامد مش خسارة للفن بس، لكنه يُتم فني حقيقي. هو كان مرجعيتي وبوصلتي في الحياة، ولما كنت بتوه كان بيرجعني."
واستعادت منة واحدة من ذكرياتها معه قائلة:"رُحت له مرة وقلت له أنا بحب الشغلانة دي بس مش عارفة إزاي كملتوا فيها، فيها ناس صعبة جدًا. فقال لي: أنتي هتعرفي إمتى تحطي كل بني آدم في موضعه الصحيح، وإمتى تردي لو حد اتطاول. وكان عندي وقتها 19 سنة."
وأضافت:"قالي وقتها: هيطلعلك ظوافر. ومع الوقت فهمت قصده، فعلاً طلعتلي ظوافر، بقت عندي القدرة أحمي نفسي وأتفادى العثرات برشاقة ورُقي."
وتابعت:"إحنا مش عايشين في الجنة، بنقابل ناس كويسة وناس لا، المهم نعرف إزاي نتفادى ده من غير ما نقع أو نفقد رُقينا."
واختتمت حديثها بكلمات مؤثرة قائلة:"اتعلمت منه ما أبصّش ورايا، لأن لو بصيت هعمل حادثة."